貓貓狗狗同人一樣都有機會感冒架，特別係幼貓狗，佢地容易冷親免疫力又較低。所以做主人既都要時刻留意住佢地呀，如果見佢地唔舒服有懷疑既，應該盡早帶佢地睇醫生！
1)感冒既病徵?
-冇精神，咳嗽，流鼻水，冇胃口，有機會發燒
2)點解會感冒?
-最有機會就係沖完涼毛髮未完全吹乾，令貓狗冷親。或者溫差太多，例如夏天，貓狗不停進出開左冷氣既房間等。
3)預防方法?
-留意天氣變化，冬天加緊保暖，例如加暖墊，暖水袋，貓狗訓教位唔好對住窗口位
-保持室內空氣流通，減少滋生細菌
-可以咨詢獸醫意見，係貓狗膳食中加保健品，另外保持適當既運動量，增加佢地免疫力
-冬天沖涼時，可以開定暖爐保持廁所溫暖，冇咁容易冷親
-有需要，可以係冬天同佢地著衫仔保暖
4)如果真係感冒點算?
-主人應盡早帶佢地去獸醫診所檢查，因為感冒可以突然變得嚴重，甚至危害性命。通常都會叫主人注意番保暖，定時留意住貓狗既精神，食欲，體溫等，如嚴重可能需要食藥。
