好多主人都可能會遇到呢個問題，自己既貓貓狗狗點都唔肯刷牙，無謂點哄佢都係冇用，搞到啲牙仔開始有小小牙石積聚，牙周病等既問題開始浮現。搞到主人們又擔心佢牙仔健康出現問題，但又唔敢同佢刷牙驚佢發脾氣，究竟點先好？仲有咩方法可以幫到手？
其實唔少既健康小食都可以幫到手架！貓貓狗狗可以一邊享受美食既同時亦可以有埋潔齒既效果添，真係 一舉兩得呀！
以下就係我地提供既小食，而且呢幾款口碑同真實出黎既效果都唔錯架！
1)Zeal 天然小食（狗）
呢一隻牌子不嬲都係信心保證既小食之一，其中鹿筋、牛仔肋骨、牛仔筋圈等都可以有潔齒既功效架！因為呢啲小食本身較硬，狗狗會係咁咬軟佢，所以係狗狗食緊既同時可以磨到啲牙石。
2)Deluxe 天然高鈣鹿角（狗）
呢一款鹿角係純天然而且係野外糜鹿自然掉落架，經過絕對乾淨既消毒方法！狗狗進食既時候都可以幫到清除牙石，仲可以keep到清新既口新添，
佢並有豐富既鈣質和鏻，幫助狗狗維持牙仔同骨骼強壯
3)Greenies潔齒骨（狗/貓）
相信唔洗我地多講，大家都一定認識呢款潔齒骨。佢係有VOHC認證，即係國際專業獸醫都認同佢既功效，而且佢較為軟身亦有不同sizes，適合不同既大細狗狗。貓貓潔齒骨亦有唔同口味可以選擇，例如吞拿魚，三文魚等
點先係為之合適自己狗狗貓貓既潔齒小食？
1)要留意小食會唔會太硬，好似年老既狗狗貓貓就唔建意俾鹿角佢啦
2)要留意小食係咪太大件，好難食到，好似poodle呢類型細狗就盡量唔好揀牛小腿骨,因為對佢地黎講太大舊啦
3)口味和成份，盡量揀番佢地有中意食既肉類，增加佢地對潔齒小食既興趣。亦要留意成份，例如鹿角雖然含大量鈣質，但過量吸取有機會令佢地生腎石架，所以份量和幾耐食一次都要留意住。
