狗狗皮膚病
– 香港天氣比較熱潮濕又炎熱，有冇發現狗狗會突然好痕，係咁R自己，皮膚又紅又甩毛？如果狗狗真係出現呢類情況，咁有可能已經患上皮膚病啦！
皮膚病分類？
主要分為三種
– 傳染性皮膚病 (例如係金錢癬<會傳人>，毛囊蟲，疥癬等)
– 皮膚過敏 (例如受環境，食物，經蚤咬感染)
– 賀爾蒙失調 (多數出現係老年狗狗)
點先可以確定狗狗真係患左皮膚病？
– 因為皮膚病有好多種，所以診斷方法亦有不同。當中最常見既係DTM，獸醫會先係狗狗皮膚最差最痕既位置，拎毛髮樣本作細菌培植，大概7-10會有結果。有時候亦會照燈(並不是普通燈)，如皮膚顏色程螢光綠，大概50%患有皮膚問題。另外，獸醫亦會係狗狗受感染既皮膚上刮片，係顯微鏡下檢查，睇下揾唔揾到皮膚寄生蟲。
點先可以好番？
– 狗狗如患上皮膚病可以算係長期戰爭，好似人患上濕疹一樣，需要時間去康復，主人要更加有耐性同細心。
– 唔同種類既皮膚病，治療方法都唔同，不過大多都會配合抗生素，藥性沖涼液有時亦會使用類固醇減少痕癢，一定要跟足獸醫指示。
– 如初期發現，主人可以先每天局部清潔狗狗痕癢既位置。不過主人要知道局部清潔只係可以減低細菌係環境擴散，要完全好番，最理常當然係帶狗狗去睇醫生，越早越好！
點預防？
– 定期身體檢查
– 保持環境清潔，特別係狗狗既用品，床仔，毛刷等
– 天氣變得潮濕時，多加留意狗狗情況
– 做好防蚤功夫，滴frontline帶蚤帶等
BC PETS皮膚問題相關產品
2)Dr. Sue 有機二合一沐浴乳(含藥性皮膚病適用) 300ml
