1.貓狗耳仔本身會自己清潔到？
-貓狗既耳仔自身會分泌油脂，幫助佢地的耳道推出污垢，但有時耳仔入面有過多既毛髮係會阻外到污垢既排出。
2.究竟貓狗需唔需要洗耳的呢？
-坊間一直都有唔少既說法，有啲話需要，但又有啲唔洗？其實係冇一個肯定既答案，要好視符番貓貓狗狗本身的，例如某一啲品種既狗狗(貴婦狗，臘腸狗，查理士王小獵犬etc.)耳仔向下經常遮住局住，加上香港又朝濕既天氣，令耳道變成細菌既屋企，就可能要多加留意，幫佢地用洗耳水定時清潔下。一般其他貓貓同耳仔向上既狗(哥基，柴犬，唐狗etc.)，耳仔都較通爽，冇咁容易滋生細菌，可以只清潔耳仔表面就得，有啲主人甚至可以唔需要幫佢冼耳仔都可以好乾淨。
3.耳仔發炎？
-如果你發現貓貓狗狗突然不停咁R耳仔好痕，耳仔又紅又腫，有啲黑色污垢，而且耳仔有臭味，咁可能耳仔已經發緊炎啦，嚴重既話，主人一定要帶佢地去獸醫到檢查呀！健康嘅耳仔會呈現淡粉紅色，無異味，乾淨，會有少少米黃色嘅耳油分泌嘅。
4.用棉花棒洗有問題？
-首先洗耳仔一定一定要記住唔好用棉花棒！好多主人以為棉花棒可以挖得乾潔啲同埋深入啲，但其實用棉花棒係好危險架！第一，有機會貓貓狗狗突然fing頭仔令到棉花棒斷左係耳道入拎唔番出黎，第二，有時主人挖得太入，有機會挖到佢地耳膜呀！所以最好係用番棉花喇！
5.點樣洗先岩？
-要準備一枝適合貓狗用既洗耳水同棉花。將洗耳水滴入貓狗耳仔，有啲貓狗唔中意你直接滴入去，主人可以先將洗耳水滴濕落棉花到，再將濕左既棉花放落貓狗既耳仔，再滴番棉花既洗耳水入去。然後按摩耳仔30-50秒，如果落洗耳水去耳道既分量岩既話，你按摩既時候會聽到吱吱聲。之後就等佢地fing番啲水出黎，用棉花抹番耳仔出面就Ok架啦！
6.幾耐先洗一次耳仔？
-其實都係一樣啦，冇一個確實答案可以答到你，一般耳仔唔污垢我地會話一個月或者三個星期洗一次都得，最重要係多啲留意貓狗耳仔情況，有時洗得太密反而令佢地耳仔更差，因為長期有太多洗耳水灌入去既時候，貓狗fing頭仔唔一定可以完全fing哂啲水出黎，所以長期有咁多洗耳水係耳仔入面好易會局住滋生細菌。所以都係視符番佢地本身啦！
7.洗耳水既分別？
通常一般洗耳水有分水性同油性既，水性係最普通既清潔，當貓狗冇特別耳仔發炎既時係就係用水性。
( Nutri- Vet ear Cleanser貓洗耳液 4oz
( Nutri-Vet Ear Cleanser 犬用洗耳液 4oz
另外油性就係俾耳仔有發炎既貓狗用既，就好似呢枝獸醫配方消炎耳油。
(ilium獸醫配方消炎滴耳油 $80)
***如果發現貓狗耳仔狀況越黎越差,建議你盡快帶佢哋搵獸醫做個詳細檢查，及早對症下藥。****
