肥貓減肥大作戰! (貓貓體重管理)
我地人類懂得為將來打算, 為了是未來漫長的人生挑戰作好準備. 咁… 先唔好睇太遠, 我地睇返近少少, 嗯, 就係在您家中喜歡黏著您, 喜歡跳來跳去的喵喵, 係唔係好可愛, 好抵鍚呢? 咁您又會唔會為貓貓的長遠健康作好準備呢? 其實, 您都可以為喵喵的健康做準備的呢!
我地今次想講既, 係喵喵的體重. “唔… 我隻喵好好肉地, 幾好攬哎? 做乜要控制佢體重啊?!” 您可能會咁諗… 但當您想到, 喵喵因為肥胖問題而有可能引致: 關節炎, 糖尿病, 某些癌症和更多的不良症狀, 咁您又會唔會想了解多點?
我地一齊探討下, 有關喵喵的體重問題…
我地做貓奴既, 梗係想喵主子健康, 但原來喵喵肥肥白白的背後, 體重直線上升時… 會有可能有以下的風險:
– 關節炎和增加關節勞損
– 糖尿病
– 高血壓
– 心臟疾病
– 皮膚問題
– 某些癌症
– 更短的壽命 (Oh No! 不好了!)
原來, 大肥喵有比較高的機會患上糖尿病, 而好似人類一樣, 如果有呢個病, 有可能要終生注射胰島素. 另外, 您都可以幻想到, 當喵喵彎腰都俾佢自己個大肚腩頂住, 想舔乾淨自己都有難度… 唔好講想佢好似之前了了瘦瘦時咁身手靈活了… (笑) 所以, 小編認為, 喵喵有健美的身材, 除左為了去參選健美喵喵選舉外, 亦都可能影響佢地既心情架!
咁點至係標準呀?
我地可以參考BCS (Body Condition Score -身體狀況評分). BCS一般可以分為1-9分, 1分係瘦骨仙咁, 9分就係… 想像一下漫畫GARFIELD食飽之後的腫脹樣… 而標準而言, 4.5-5分係最標準既! 即係中間偏少少瘦.
我地可以做2件事:
1… 先目視: 我地從喵喵的正上方望下喵喵的身材, 同埋從側面望. 再睇下下面圖示, 您就有一個大概概念.
2… 再用手摸下喵喵的胸骨位置, 在喵喵的肩胛骨後方, 如果您可以輕易摸到喵喵的骨骼, 就係標準, 另外, 您可以留意下您搵唔搵到 (或睇到) 喵喵的纖腰… 如果您摸住軟軟的… 厚厚的肉 (脂肪)… 又搵唔返佢條纖腰… 咁喵喵就有可能有超重的問題了… 當然, 我地唔係獸醫, 如果您需要一個專業的分析, 我地會建議您帶喵喵去問下獸醫的意見. 呢篇文章係整合了一些建議, 並不可以取代獸醫的診斷的, 大家要留意返哦!
如果您覺得喵喵可能係有太多了點的baby fat… 咁可以考慮下以下的建議:
點幫佢減肥?
通常獸醫會建議一個緩慢的減肥過程, 大約係每星期減1%的體重, 即係如果喵喵重15磅(約7公斤), 一星期減到70-80克就最理想.
* 但請注意, 過份的節食, 會為喵喵帶來更壞的影響!
脂肪肝綜合症 (Hepatic lipidosis) 在突然停止進食的超重貓黎講很常見。 當儲存的身體脂肪分解得太快時，就會發生這種情況… 這會給肝臟帶來太大的負擔和損害。這種極端身體狀況, 如果得到迅速的治療, 是沒有太大不良影響, 但冇貓奴想見到喵喵有呢個情況吧! 其實又唔洗太擔心… 減肥如果有序, 係對肥喵係百利而無一害的!
總括而言, 帶肥喵去睇獸醫, 然後食獸醫建議的減肥餐單, 係最好的, 亦通常唔會錯的; 但我地都可以從根本的飲食習慣開始, 幫到喵喵減肥的! 最簡單可以把正常貓糧改為減肥糧, 而唔係把餵食份量減少了, 因為餵食的份量少了, 其實會令到喵喵得唔到足夠的營養, 肚仔空空, 幸福感亦會下跌呢! 未開始食減肥餐之前, 首先要盡量記錄低肥喵一日食幾多餐, 一共食幾多糧及零食. 零食, 就如我地人類的零食一樣, 都係利口不利腹既! 最好係少食多滋味! 而有了基本的資料就可以更有效掌握點幫到肥喵減肥!
我地都介紹返2隻比較多人買的減肥糧吖… (冇辦法啦… 幫下手撳下佢地囉… 或者轉發俾有需要既貓奴朋友吖… 唔該吖…)
Orijen健美減肥配方 (全年齡合用貓糧) 1.8kg(約4磅)
Oven-Baked Tradition老貓減肥配方 10lbs
Quality of Life (優質的生活) 對肥喵黎講, 都係減肥的重要一環. 食糧同運動, 缺少了一樣都會將減肥計劃打了個折… 喵喵都喜歡瞓覺, 呢個係冇得變的… 但係作為貓奴, 都應該為主子安排多點的運動! 例如:
- 您的喵喵最喜歡的玩具, 讓喵喵多點郁動! (例如會發光的玩具, 喵喵一般都喜歡追著光點的.) 如果時間許可, 多點同主子一齊玩, 會有更好的親子關係的呢!
介紹返… 貓貓玩具 - 買些自動的喵玩具, 等喵喵追追跑跑 (尤其適合冇太多時間陪主子玩的貓奴)
- 買貓貓喜歡爬的”喵樹”, 放一粒喵喵喜歡的小食在樹頂, 等佢跳上去或是爬上去食.
- 喵喵都有狩獵的本能, 在家中收起少量小食 (真係少少好喇…), 等佢用本能搵到心愛的小食, 都係一個唔錯的方法呢!
保持健美身材
當喵喵減到4.5-5分時, 您可能會發覺肥喵的毛有更好光澤, 肚腩細左, 仲可以令喵喵可以自己梳理自己的毛. 無論係喵喵定貓奴, 都應該會心情更好! 希望您同喵喵都可以持之以恆, 為長遠的喵喵健康而努力!
最後還要考慮: 您的喵喵是否因健康狀況而超重? 導致體重增加的疾病 (例如激素失調) 貓相比狗黎講係少見些. 但是仍偶爾會發生. 為了排除可以通過藥物治療的病症, 您的獸醫可能會建議您在開始減肥計劃之前進行血液檢查. 我地建議係: 以獸醫的意見為準!
希望各位貓奴為了主子的健康, 努力打嬴呢場仗!
您的寵物用品中心,
BC Pets
