關於 [椎間盤突出]

轉貼自Bocool [椎間盤突出]


好多時聽見D狗主話,狗狗整傷腰骨,狗狗摟到腰骨,狗狗後腳無力、....

其實呢個病係叫做《椎間盤突出壓住神經線》

點解有這種病?

如果你養的狗狗是北京、西施、臘腸、歌基、八歌(當然也有例外的品種)

發生這種病係品種和遺傳的病,因為牠們的椎間盤內的軟組織會相對其他狗提早老化,

當軟組織突然爆出,壓住神經線,就令牠們行路時怪怪的,

加上牠們喜歡跳來跳去。如果情況嚴重的就要做手術!

呢個病分為5級:

第一級病徵,腰痛、唔中意人掂、身震、胃口差、性情轉惡、唔跳唔跑、唔願郁!

 

等二級病徵,同第一級差不多,但行路時會好似飲醉酒,開始後腳無力和後腳感覺好慢,喘氣。
【有d個別例子都會做手術,例如服了一段長時間的止痛藥無好轉、又或者痛得好厲害】

第一、二級可以困籠休息和食止痛藥,食藥只是止痛
【止痛藥有分類固醇和非類固醇成份,最好問你的醫生】
椎間盤內的軟組織,係不會縮回椎間盤內。

之後觀察兩星期有無變差,但若穩定,狗狗可以放監,但要慢慢,不能跳。
若變差,主人要有心理準備,有可能要做手術!

 

第三級病徵,喘氣,後腳無力,而且後腳會拖住行、後腳感覺會好差,狗狗好似唔知自己有後腳,

但仍然痛楚感覺。狗狗會知痛!這時侯,狗狗要做手術!

 

第四級病徵,同第三級差不多,但開始會失禁,後腳痛楚感覺開始遲緩,甚至唔識痛!

這時侯,狗狗要做手術!還要越快越好。

 

第五級病徵,狗狗後腳已經無痛楚感覺。大小已不能控制!

如果去到五級,狗狗必須24小時內進行手術,若錯失這個機會,狗狗會永遠行不到。

 

又有陣時聽見狗主話,平日睇開個醫生話種病無得醫,狗狗要人道毀滅!
又或者只會打高劑量的類固醇,甚至吊一D好貴,又話幫助骨的藥DxxO,

但係又無好轉,甚至情況差左,這樣會拖慢了病情

 

其實係香港係有獸醫識做這種手術,
但要小心選擇獸醫,這種手術不是小手術!

脊椎神經科手術,並不是一般手術,有咩差錯,狗狗一世都行不到。

手術並不是在骨頭上做,而是在神經線乎近或下面做,所以醫生一定要訓練有數,

而且不是一般骨科手術,一定須要受過特別訓練!

 

係香港話自己識做脊椎神經科手術的醫生 :

 

(一)受過特別專業訓練,而取得專科文憑的【專科醫生】
(二)有手術經驗的醫生【骨科醫生】
(三)勇於嘗試不同手術的醫生【但係咪真係識做就天曉得!】

 

其實大家可能唔知道,骨科手術和脊椎神經科手術的分別!
骨科手術,當然手術位置大部份都在骨頭上做的。也有他的難度!

 

最後有幾點可作參考:
1.減少跳上跳落
2.抱狗狗時,不可只捉前手,應抱胸及pet pet,盡量腰骨要平
3.不要食鈣片or鈣丸,一般成犬狗糧鈣的成份已經足夠,食得太多鈣,

有機會膀胱生石或腎石,甚至領骨頭變得脆弱。

好多時D主人會誤會食多D鈣會對骨好,呢個觀念係錯!狗和人係果方面係唔同。

* 唯一一種情況下狗狗須要食鈣,就係狗媽媽生了好多狗BB,

D BB食奶食得好勁既時侯,就可以俾鈣狗媽媽食,

又或者俾BB狗糧餵狗媽媽,因為BB糧鈣的成份會多D。

4.盡量少行樓梯
5.不鼓勵做(請請)動作
6.不可太肥

 

希望可以減低病發率!但男仔狗比女仔狗病發多D。
 

 

以上資料,希望對你和狗狗有幫助!